+0 به یه ن
گوزلريم گوز ياشينا ساتدي مني
اوز آنام اوت دامينا آتدي مني
يارالانميش ديليم آخ باخدي منه
آرالانميش وطن آغلاتدي مني
دديلر ميلتيويز ياندي گوزل
ناكيشي باخماغي آنلاتدي مني
قوردولار اولكه سينه گيردي چپيش
بلينلر ديلينه قاتدي مني
يوردوموز ياندي و اوتلار كي سونوب
بو قارانليكدا بو دون آتدي مني
يارالانديم يارالي قالديم آنا
يارالار عل قولو باغلاتدي مني
ساوالان آدلا داغا بير باخيرام
بو باخيش عالمي ساخلاتدي مني
ساوالان شاخداليسان من بيليرم
گونشين چيخماغي موتلاتدي مني
دوزدي يالنيزليقينان من قانيرام
قانماغيم گور نجه دوغراتدي مني
ساييرام گونلري تا بيرده ديرم
وطن آزادليغي آغلاتدي مني
ستار صمدي
+0 به یه ن
گينه من گينه سن
گينه آي گتدي گويه ثانيه لر سس سالدي
گينه گلدي ياديما يار مني مندن
آلدي
گينه آغلار گوزونن يوللارا گوز ساللاميشام
گينه بو آيلي گجه گوزلريمه ياش سالدي
گينه سنسيزليكينن گويلره يالنيز باخديم
گينه سنسيز اوتوماكدان منه تك غم قالدي
گينه شهرين ايشيقي گوزلريمي فيررادي
گينه آختاردي سني تاپمادي تارلار چالدي
دونن آي نازلي ياريم سن منه پيس
پيس باخدين
گينه او پيس باخيشين گوزلريمي پيس چالدي
دونن آختاردي گوزوم گوزلريوي تا باخسين
او گوزل گوزلريوه گوز باخيشيم قارتالدي
باخيشيم تاپدي سني باخدي باخيش آيلاريوا
گينه يالواردي سنه گوز باخيشيم
دوغرالدي
دونني ياده ساليب عشقيوي ياد ايله ييرم
گينه گيزلين باخيشين ياددا قالان بير بالدي
گورورم گدميسن الدن داها مندن آيري
گينه سونسوز گجه لر پيس منه بير اقبالدي
دييسن گدميشيديم سن مني چوخ گئچ سودين
گينه اونلا گولوشون كونلومه بير قانقالدي
گديرم تك قالاسان سويله ميسن گوز ياشيما
گدگينن دينمه يه جم گدمكيوه ديل لالدي
شعر:ستار صمدي
بلاگا گؤره
آرشیو
یولداش لار
بؤلوم لر
سون یازیلار
باغلانتی لار
سایغاج